Guliston Abu Ali ibn Sino nomidagi jamoat salomatligi texnikumida 2025-yil 22-may kuni Shveytsariyaning “GLOBOGATE Concept AG” kompaniyasining O‘zbekistondagi “Germaniya tibbiyot akademiyasi” loyihasi koordinatori N.Tillashayxova va rekruting bo‘yicha koordinatori A.Abdujabborovlar ishtirokida taqdimot tashkil etildi.
Unda 2025-yil sentabr oyidan boshlab texnikumda 2 ta sinf tashkil etilishi, ularga maktab bitiruvchilari suhbat asosida saralab olinishi ma’lum qilindi.
3 yil davomida o‘quvchilar nemis tili hamda Germaniya tibbiyot akademiyasi dasturiga muvofiq 5 ta qo‘shimcha fan bo‘yicha tahsil olib, B2 darajadagi xalqaro nemis tili sertifikatini qo‘lga kiritgach, Germaniyada ishlash imkoniyatiga ega bo‘lishlari tushuntirildi.
Tadbir yakunida nemis tilidagi kurslarni muvaffaqiyatli tamomlagan o‘quvchilarga sertifikatlar topshirildi.
